Kita Binci Bupati Minsel
Amper samua tampa ada dia pe muka
Kalo setiap hari raya
Samua bok ada dia pe ucapan slamat
Kalo mo pasiar di samua kantor dinas
So pasti ada dia pe muka
Coba kwa ngoni maso di samua kantor camat di Minsel
pasti ada dia pe muka
Torang rakyat nyanda bodok
Torang so kanal ngana pe batang idong
Nda perlu tiap hari ngana pasang baliho
Nda perlu tiap hari ngana buang doi bayar iklan di koran
for pasang ngana pe muka
Kita curiga
Kage kwa doi rakyat yang ngana ja pake
Pake beking baliho banyak- banyak
Pake pasang iklan pencitraan di samua koran
Pake beking poster di samua kantor camat
Kita binci bupati Minsel
Kita manyasal pilih pa ngana jadi bupati
Ngana pe kerja cuma beking abis doi rakyat
for beking pencitraan
Ngana kira rakyat pang lupa soh?
Ngana tako rakyat lupa ngana pe nama deng muka
Capat joh klar ngana
Kita so pastiu lia ngana pe muka
Jaga ta munta kita ja lia ngana pe muka di lorong maso kita pe kampung
Amurang, Juli 2012